Azərbaycanın gənc taekvondoçuları qönşu ölkələrdə təlim-məşq və beynəlxalq yarışlarda iştirak ediblər. Taekvondo Federasiyasından apasport.az saytına verilən məlumata görə, qurumun məşqçisi, beynəlxalq dərəcəli hakim Etibar İbrahimov rəhbərliyi ilə “Neftçi” İSM-in yetirmələri Türkiyədəki yarışı 3 medalla başa vurublar.

Akşehirdə 58 komandanın tərkibində 500-ə yaxın idmançənən iştirak etdiyi turnirdə Nərminə (49 kq) və Təranə Məmmədova (55 kq) bacıları qızıl medala, Samir Novruzov (55 kq) isə gümüş mükafata sahib olub. Bu nəticə ilə komanda hesabında 3-cü yeri tutan idmançılarımız bir qədər daha sonra İrana yollanıblar.

Gənc taekvondoçularımız iyulun əvvəlində Ərdəbildə təlim-məşqlərin ardından növbəti yarışda da yüksək pillələrə layiq olublar. Meşgində, İranın 25-dək yerli komandası ilə birgə yarışda Vladislav Subbotin (74 kq) və Anar Aslanov (37 kq) çempion olub. Samir Şirinov (80 kq), Qafur Məmmədov (54 kq), Elçin Əliyev (68 kq) və Anar Mehdiyev (45 kq) ikinci yeri, Samir Novruzov (54 kq) isə üçüncü pilləni tutub.

Bundan başqa, Rusiya Federasiyasının Saxa Respublikasında (Yakutiya) “Asiya Uşaqları” V beynəlxalq İdman Oyunlarında olimpiya çəkiləri üzrə yarışa qatılan gənc taekvondoçularımızdan 2 nəfəri də mübarizəni medalla başa vurub. Babək Əjdərli (48 kq) və Yusif Hüseynli yalnız finalda məğlub olaraq, gümüş medala sahib olublar.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə