Rusiyalı güləşçi Zaur Kuraməhəmmədov London-2012-də əsas rəqiblərinin adlarını açıqlayıb. Apasport.az saytının məlumatına görə, 60 kq çəki dərəcəsində çıxış edəcək pəhləvan 3 ölkənin təmsilçisindən ehtiyatlandığını bildirib.

Dünya çempionatının bürünc medalçısının siyahısında azərbaycanlı Həsən Əliyevin də adı yer alıb. Maraqlıdır ki, rusiyalı idmançının çəkisində lisenziyanı Kamran Məmmədov qazansa da, Zaur Həsənin Böyük Britaniya paytaxtına gələcəyini düşünür: “Londonda mənim çəkimdə güclü idmançılar baxımından çatışmazlıq olmayacaq. İlk növbədə iranlı Omid Noruzini fərqləndirərdim. Mən ona ötən il İstanbuldakı dünya çempionatında uduzmuşam. Favoritlər sırasına, həmçinin 2010-cu ildə dünya çempionu Həsən Əliyev və Afina-2004-ün qalibi Ci-Hyun Canq daxildir”.

Qeyd edək ki, güləşçilərimizin Londona yollanacaq yekun siyahısı hələ rəsmi açıqlanmayıb.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə