2012-ci il London Yay Olimpiya Oyunlarında çıxış edəcək ağırlıqqaldırma üzrə Azərbaycan milli komandasının heyətində dəyişiklik edilib. Apasport.az saytının məlumatına görə, yığmamızın məşqçilər korpusu olimpiadaya yollanacaq 6 nəfərlik heyətdə əvəzetməni zəruri sayıb.

Belə ki, ilkin olaraq 85 kq çəki dərəcəsində ölkəmizi təmsil edəcəyi bildirilən İvan Stoitsov Londonda mübarizə aparmayacaq. O, yerini adı ilkin heyətə ehtiyat idmançı kimi daxil edilən Sərdar Həsənova (69 kq) verib. Milliləşən bolqarıstanlı özü isə onun əvəzinə ehtiyata göndərilib.

Beləliklə, Böyük Britaniya paytaxtında Azərbaycanı Valentin Xristov (56 kq), Əfqan Bayramov, Sərdar Həsənov (hər ikisi 69 kq), İntiqam Zairov (94 kq), Veliçko Çolakov (+105 kq) və Boyanka Kostova (58 kq) təmsil edəcək. Ehtiyat ağırlıqqaldıranlar qismində isə Stoitsovla yanaşı, Yuliya Dovqal (+75 kq) nəzərdə tutulub.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə