XXX London Yay Olimpiya Oyunlarında atletika yarışlarında Azərbaycanı təmsil edən sonuncu idmançı Hayle İbrahimov bu gün qaçış zolağına çıxıb. Apasport.az saytının məlumatına görə, 5000 m məsafəyə qaçan milliləşdirilmiş legionerimiz I qrupda yer alıb.

Saat 14:45-də başlayan yarışda ümumilikdə 43 atlet 2 qrupa bölünüb. İbrahimov 22 nəfərlik I qrupda mübarizə aparıb. 1095 start nömrəsi ilə qaçış zolağına çıxan Hayle Azərbaycan Olimpiada tarixində ilkə imza atıb.

5000 m məsafəni 13:25.23-ə qaçan atletimiz finiş xəttinə 1-ci çatıb. Bu isə o deməkdir ki, İbrahimov final mərhələsinə vəsiqə qazanıb. O, ən yaxın izləyicisini 0,41 saniyə qabaqlayıb.

Haylenin bütün rəqibləri II qrupun çıxışından sonra bilinəcək.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı