Yığmamız İranda

04.02.2013 - 10:45

Ötən ay Qəbələdə Dünya Taekvondo Federasiyasının Reabilitasiya Mərkəzində geniş miqyaslı təlim-məqşlərin ardından hazırlıqları davam etdirən idmançılarımız İran İslam Respublikasına yollanıblar. Taekvondo Federasiyasından apasport.az saytına verilən məlumata görə, qurumun vitse-prezidenti Niyaməddin Paşayev və milli komandaların baş məşqçisi Ələkbər İmaməliyevin rəhbərliyi ilə Tehranda nəzərdə tutulan təlim-məşqlərdə kişi və qadınlardan ibarət seçmə komandalarımız iştirak edəcək.

Qadınlardan ibarət milli komandanın cavabdehi Gündüz Abdullayev və kişilərdən ibarət seçmə komandanın böyük məşqçisi Elnur Amanov da 33 taekvondoçunun daxil edildiyi heyəti çalışdıracaqlar. İranın Taekvondo Akademiyasında yerli milli komanda ilə birgə hazırlıqlar fevralın 13-nə kimi planlaşdırılıb. Məşqçilər heyəti əsasən fiziki hazırlıqlara üstünlük veriləcəyini bildirib. Təlim-məşqlərə yollanan taekvondoçuların siyahısı belədir:

Kişilər:
54 kq: Samir Aydınov, Vüqar Kərimov, Məjid Sofiyev
58 kq: Samir Cavadlı, Vüsal Məmmədov, Ruslan Abbasov, Pərvin Əliyev
63 kq: Ramik Nəzərov, Səbuhi İsmayılzadə, Tahr Hüseynov
68 kq: Hüseyn Mehrəliyev, Fariz Əliyev, Namaz Heydərov
74 kq: İlkin Şahbazov, Elvin Məmmədov, Vladislav Subbotin
80 kq: Ramin Əzizov, Xosrov Əhmədov, Ramin Abdullayev
87 kq: Bayraməli Fəlyev, Fərid Tağızadə,
+87 kq: Elman Əliyev

Qadınlar:
46 kq: Xəyalə Quliyeva, Surə Fərəcli
49 kq: Nübar Hacıyeva, Türkanə Tahirli, Ülviyyə İskəndərova
53 kq: Günay Ağayeva, Aygül Abdullayeva
57 kq: Günay Ağakişiyeva
62 kq: Səbinə Mikayılova, Aytən Səmədli
67 kq Fəridə Əzizova

Qeyd edək ki, idmançılarımız fevralın 14-də Bakıya dönəcəklər.