Ağır atletika üzrə Azərbaycan millisi Belarusun Qrodno şəhərində ikiqat Olimpiya çempionu Aleksandr Kurloviçin xatirəsinə həsr olunmuş ağır atletika üzrə beynəlxalq “Alexander Cup” turnirdə daha bir medal qazanıb. 

APA-nın məlumatına görə, Boyanka Kostovanın ardınca Nailxan Nəbiyev də fəxri kürsüyə yüksəlib. 

96 kq çəki dərəcəsində qüvvəsini sınayan milli üzvü gümüş medala sahib olub. O, toplam 326 kq (145+181) nəticə göstərib.

Bununla da, Azərbaycan yığması Tokio-2020 Yay Olimpiya Oyunlarına gümüş səviyyəli lisenziya xarakterli yarışı iki mükafatla başa vurub. N. Nəbiyevdən öncə B. Kostova çempion adına sahib olub. 

Qeyd edək ki, sabah yekunlaşacaq turnirə 18 ölkədən 80 atlet qatılıb. 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"