Azərbaycan boksçusu Alfonso Dominqes Fransada keçirilən Avropa Olimpiya Təsnifat Turnirinin finalına yüksəlib. 

Apasport.az saytının məlumatına görə, 81 kq çəki dərəcəsində mübarizə aparan milli üzvünü döyüşə çıxmadan bu hüquqa yiyələnib. Buna rəqibinin yarımfinal qarşılaşmasından imtina etməsi səbəb olub. 

Hər iki boksçu Tokio-2020-yə lisenziyaya yiyələndiyindən İspaniyanı təmsil edən Qazimaqomed Jalidov Dominqeslə mübarizədən imtina edib. 

Yığmamızın digər boksçularından Lorenzo Sotomayor (69 kq) Andrey Zamkovoyla (Rusiya), Məhəmməd Abdullayev (+91 kq) isə Murad Əliyevlə (Fransa) yarımfinal görüşünə qatılmayacaq. Olimpiadaya lisenziyanı təmin edən idmançılar zədə səbəbindən rinqə çıxmayacaqlarından bürünc medalla kifayətləniblər.

Turnirin final döyüşləri sabah olacaq. 

Qeyd edək ki, kişi boksçulardan ibarət milli komandamızın 5 üzvü Tokio-2020-də iştiraklarını rəsmiləşdiriblər.  
 

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək