“Formula-1” üzrə dünya çempionatının daha bir mərhələsinin baş tutması təhlükə altına düşüb.

Apasport.az saytının məlumatına görə, Kanada Qran-Prisi də koronavirus pandemiyası üzündən ləğv edilə bilər.

Monrealda baş tutması planlaşdırılan yarış iyunun 14-də keçirilməlidir. Təqvimin 9-cu mərhələsi olan bu Qran-Pri cari mövsümdə baş tutacaq ilk yarış ola bilərdi.

Lakin Monrealda şəhər rəhbərliyi bir neçə böyük tədbirləri ləğv edib. Koronavirus pandemiyasının yayılması idman yarışlarının da keçirilməməsi ilə nəticələnəcəyi proqnozlaşdırılır.

Qeyd edək ki, əvvəlki 8 mərhələdən ikisi ləğv olunub, altısı, o cümlədən Azərbaycan Qran-Prisi qeyri-müəyyən müddətə təxirə salınıb.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib