Sentyabrın 13-də Yaponiyanın Çiba şəhərində taekvondo üzrə Qran-pri turniri start götürəcək. 

APA-nın məlumatına görə, 3 gün davam edəcək G4 kateqoriyalı yarışa Azərbaycan millisi də qatılacaq. 

Məşqçilər korpusu turnirdə Qaşım Maqomedov (58 kq), Məhəmməd Məmmədov, Cavad Ağayev (hər ikisi 68 kq), Milad Beiqi Harçeqani (80 kq), Ramin Əzizov, Radik İsayev (hər ikisi +80 kq), Fəridə Əzizova (67 kq) və Patimat Abakarovaya (49 kq) şans verəcək.

Artıq Yaponiyaya yollanan komandamız sentyabrın 17-də Vətənə dönəcək. Turnirin qalibi aktivinə 40 reytinq xal yazdıracaq.

Qeyd edək ki, növbəti Qran-pri oktyabrın 18-20-də Bolqarıstanın paytaxtı Sofiyada keçiriləcək. Yarışın final mərhələsi isə dekabrın 6-7-də Moskvada təşkil olunacaq. 

• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub