Dünya Güləş Birliyinin (UWW) İcraiyyə Komitəsinin iclası keçirilib.

Apasport.az saytının məlumatına görə, pandemiya ilə əlaqədar olaraq bu dəfə də tədbir onlayn formatda təşkil olunub. 

UWW-nin Büro üzvü, Azərbaycan Güləş Federasiyasının prezident əvəzi Namiq Əliyevin də iştirak etdiyi konfransın əsas mövzusu dekabrda Serbiyada keçirilməsi planlaşdırılan dünya çempionatı olub. Ancaq geniş müzakirələrdən sonra konkret qərar qəbul etmək mümkün olmayıb. Bu səbəbdən qərara gəlinib ki, noyabrın 10-da baş tutacaq növbəti iclasda yarışın taleyinə aydınlıq gətirilsin.

Qeyd edək ki, artıq Yaponiya və ABŞ yığmaları yarış keçirilərsə belə mundiala qatılmayacaqlarını açıqlayıblar. 
 

• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub