Beynəlxalq Olimpiya Komitəsinin (BOK) prezidenti Tomas Bax Yaponiya səfərini ləğv edib.

Apasport.az saytının məlumatına görə, qurum başçısının “Gündoğar ölkə”nin iki şəhərinə planlaşdırılan səfəri baş tutmayacaq. 

Baxın mayda gerçəkləşməli olan səfərinə koronavirus pandemiyası imkan verməyib. BOK prezidentinin Yaponiya paytaxtı Tokioya səfərinin məqsədi ölkənin 2021-ci ilə təxirə salınan Yay Olimpiya Oyunlarına hazırlığı ilə tanışlıq xarakteri daşıyırdı. 
Almaniyalı həmçinin Xirosimada Olimpiya məşəlinin estafetini ziyarət etməli idi. Lakin bu estafet də təxirə salınıb.

BOK səfərin baş tutmamasını Yaponiya hakimiyyətinin ölkəyə girişlə bağlı məhdudiyyətlər tətbiq etməsi ilə izah edib.
 

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"