Futbol üzrə ölkə çempionatının I Liqasında mübarizə aparan “İmişli” ilə bağlı yenilik var.

Apasport.az-ın əldə etdiyi məlumata görə, klub artıq doğma şəhərinə dönüb.

Yayda təmirə bağlanan Heydər Əliyev adına İmişli şəhər stadionunda aparılan işlər yekunlaşıb. Komanda növbəti matçını artıq doğma arenada keçirəcək.

Bu barədə aranlıların baş məşqçisi Fərid Namazov saytımıza açıqlamasında bildirib:

“Stadion noyabr ayının ortalarında bizə təhvil veriləcək. Artıq demək olar ki, tam hazırdır. Yalnız qazonun biçilməsi qalıb. Noyabr ayının 27-si “Qaradağ Lökbatan”a qarşı doğma meydanımızda oynayacağıq. Rəhbərliklə əlaqədəyik, çalışırıq ki, ona qədər bir yoldaşlıq qarşılaşması keçirək. Hazırda tək problemimiz odur ki, məşq üçün təbii ot örtüklü meydançamız yoxdur. Bunun da zamanla həll ediləcəyinə inanırıq”.

İsmayıl Xeyrullayev

• "Araz-Naxçıvan"ın futbolçusu: “Ümid edirəm, Neftçi bu dəfə də ədalətsizlik etməz”
• Premyer Liqa: "Neftçi" "Araz-Naxçıvan"a qarşı - YENİLƏNİR
• AFFA Premyer Liqa hakimləri üçün seminar keçirib
• Elhad Nəziri: “Futbolçular bu hesaba görə mənə cavab verəcəklər”
• “Cəbrayıl”da nə baş verir? - Klubun 90 faizinin maaşları kəsilib