Türkiyə millisinin futbolçusu Cenk Tosun yenidən ölkəsinə qayıdıb.

Apasport.az saytının məlumatına görə, 31 yaşlı hücumçu karyerasını sevimli komandası “Beşiktaş”da davam etdirəcək.

2018-2022-ci illərdə “Everton”da oynayan Cenkin Premyer Liqa klubu ilə müqaviləsi bitdiyindən, oyunçu azad agent statusu alıb. Bundan yararlanan “Beşiktaş” rəhbərliyi onunla bütün şərtləri razılaşdırıb. Tosun gələn həftə İstanbul təmsilçisi ilə 2 illik müqavilə imzalayacaq.

Qeyd edək ki, 2014-2018-ci illərdə “Beşiktaş”ın formasını geyinən Cenk Tosun ötən il də qısa müddət bu klubda icarə əsasında çıxış edib.
 

• "Qarabağ" və "Sabah"ın təxirə salınan oyunlarının tarixi açıqlanıb
• Prezident İlham Əliyev Canni İnfantinonu qəbul edib - FOTOLAR
• FIFA prezidenti Canni İnfantino Bakıya gəlib
• AFFA-nın təşkilatçılığı ilə skautinq mövzusunda seminar keçirilib
• Kamal Quliyevlə razılıq alınmadı – “Xankəndi” Röyal Nəcəfovu seçdi