“Kəpəz” ev oyunlarını Tovuzda keçirəcək.

Apasport.az xəbər verir ki, bunu PFL-in mətbuat xidməti açıqlayıb.

Gəncə şəhər stadionunda aparılan əsaslı yenidənqurma işləri ilə əlaqədar olaraq “Kəpəz” klubu ev oyunlarını Tovuz şəhər stadionunda keçirəcək. Gəncə klubunun rəsmi müraciəti, “Turan Tovuz” klubunun razılıq məktubunu nəzərə alan Peşəkar Futbol Liqası bununla bağlı qərar qəbul edib. Tərəflərin razılığı ilə “Kəpəz” qonaqlarını qış fasiləsinə qədər Tovuz şəhər stadionunda qəbul edəcək. 

“Kəpəz” klubunun əvəzedici heyəti isə Gəncə şəhər stadionunun ehtiyat meydançasından istifadəyə davam edəcək. Yuxarıda qeyd olunan məqamlarla əlaqədar olaraq PFL Misli Premyer  Liqasının və Əvəzedicilər Liqasının X turunun cədvəllərində aşağıdakı dəyişiklikləri həyata keçirib.

Misli Premyer Liqası
10-cu tur 
21 oktyabr
“Kəpəz” – “Zirə”
Tovuz şəhər stadionu, 15:00

Əvəzedicilər Liqası
10-cu tur
19 oktyabr 
“Turan Tovuz” – “Qarabağ”
Tovuz şəhər stadionu, 14:00
 

• Təməli yenidən atılan "İmarət"in son oyunlarında nələr baş verib? - KEÇMİŞƏ SƏYAHƏT
• Amil Yunanov: "Zəng gəldi və dedilər ki..." - Açıqlama
• Baxşıyev təsdiqlədi: Sabiq “Neftçi”li legioner “Araz-Naxçıxan” yolunda - ÖZƏL
• “Qəbələ”nin yeni transferi: “Mənim üçün gözəl təcrübə oldu” - Açıqlama
• “Qəbələ” klubu tarixində 900-cü qolu vurub