Azərbaycan çempionatının II Liqasında daha bir oyunun nəticəsi ləğv olunub.

Apasport.az xəbər verir ki, bu barədə qərarı AFFA-nın İntizam Komitəsi verib.

23.10.2023-cü il tarixində II Liqanın VIII turunun “Dinamo” – “Kür-Araz” görüşünün nəticəsi ləğv edilib. Matçın 81-ci dəqiqəsində “Kür-Araz” klubunun heyətində matçın rəsmi protokolunda adı olmayan 18 nömrəli futbolçu Ceyhun Quliyev oyuna daxil olub.

Bu üzdən “Kür-Araz” klubuna 0:3 hesablı texniki məğlubiyyət verilib. Komanda 400 manat cərimə edilib.