Azərbaycan millisinin baş məşqçisi Fernandu Santuş mükafatlandırılıb.

Apasport.az xəbər verir ki, 71 yaşlı portuqaliyalı Yunanıstanda “Əfsanə” mükafatına sahib çıxıb.

O, “Gazzetta Awards”ın qala gecəsində təltif olunub. Tədbirdə Yunanıstan idmanına xidmət göstərən idman ictimaiyyətinin nümayəndələri mükafatlandırılıblar.

Santuşa mükafatı Yunanıstan millisinin sabiq futbolçusu Demis Nikolaidis təqdim edib. 2001/02 mövsümündə onlar birlikdə AEK-lə Yunanıstan kubokunu qazanıblar.

Qeyd edək ki, Santuş 2001-02 və 2004-06-cı illərdə AEK, 2002-ci ildə “Panatinaikos”, 2007-10-cu illərdə PAOK, 2010-14-cü illərdə Yunanıstan millisini çalışdırıb. O, 2024-cü ilin yayından Azərbaycan millisinə rəhbərlik edir.

• "Neftçi"nin yeni transferi ilk məşqinə çıxdı
• UEFA Azərbaycan klublarına maliyyə yardımı etdi
• Riçard Almeydadan Qurban Qurbanova: "Sən mənim ikinci atamsan"
• Millimiz qələbə qazandı
• Millimizin heyətində dəyişiklik edilib