“Neftçi” əvəzedici komandasının baş məşqçisi Mahmud Qurbanovla yollarını ayırıb.

Apasport.az xəbər verir ki, bu barədə paytaxt klubu rəsmi saytı vasitəsilə məlumat yayıb.

Bildirilib ki, “Neftçi-2”nin çalışdırıcı ilə mayın 31-dək olan müqavilənin müddətinin uzadılmaması qərara alınıb. 49 yaşlı mütəxəssis tezliklə Premyer Liqa təmsilçisi “Səbail”in sükanı arxasına keçməsi gözlənilir.

Qeyd edək ki, 2018-ci ildən “Neftçi-2”ni çalışdıran Mahmud Qurbanov 2020/21 mövsümündə əvəzedici komanda ilə I Divizionun qalibi olub.