Azərbaycan kubokunun final matçının favoriti bəlli olub.

Apasport.az saytının məlumatına görə, bukmekerlər “Qarabağ” – “Zirə” görüşünün əmsallarını açıqlayıb.

Qəbələdəki qarşılaşmada Ağdam təmsilçisi daha şanslı sayılır. Qurban Qurbanovun yetirmələrinin qələbəsinə 1,39 əmsalla pul qoyuluşu qəbul edilir.

Matçın 90 dəqiqəsinin heç-heçə bitməsinin əmsalı 3,74-dür. “Zirə”nin qələbəsinə isə bukmekerlər də inanmır. Rəşad Saqıdovun yetirmələri qalib gəlsə, proqnozsevərlərə 7,80 əmsallı qazanc gətirəcək.

Qeyd edək ki, “Qarabağ” – “Zirə” matçı saat 19:00-da başlayacaq.