“Qarabağ”ın qış hazırlıq planı müəyyənləşib.

Apasport.az xəbər verir ki, son ölkə çempionu 2024/25 mövsümünün ikinci yarısına hazırlığı Bakıda keçirəcək. Bu barədə klubun mətbuat xidməti məlumat yayıb.

Misli Premyer Liqasının XVIII turunun “Araz-Naxçıvan”la dekabrın 22-də baş tutan oyunundan (2:0) sonra istirahətə buraxılan futbolçular 2025-ci ilin yanvarın 3-də bir araya gələcəklər. Komandanın hazırlıq prosesi “Azersun Arena”dakı təlim-məşq bazasında baş tutacaq.

Bakıdakı toplanış çərçivəsində iki yoxlama oyunu keçiriləcək. "Qarabağ" yanvarın 9-da “Kəpəz”, üç gün sonra “Zirə” ilə üz-üzə gələcək.

Qeyd edək ki, mövsümün ikinci yarısı yanvarın 17-19-da keçiriləcək XIX turun matçları ilə başlayacaq.

• Vaqif Cavadov onu komandadan göndərdi - Rəsmi
• "Zirə" Bakıda qış təlim-məşq toplanışı keçəcək
• "Qarabağ"ın daha bir rəqibi müəyyənləşib
• "Araz-Naxçıvan" 2 yoxlama oyunu keçirəcək
• Bir qrup idmançı və idman mütəxəssisi təltif edilib - SƏRƏNCAM