"Qarabağ"ın futbolçusu Julio Romao komandada qalacaq.

Apasport.az saytına verilən məlumata görə, Ağdam təmsilçisi braziliyalı futbolçunun müqavilə müddətini artırmağı planlaşdırır.

Artıq klub futbolçuya təklif göndərib. 25 yaşlı futbolçunun hazırkı müqaviləsi 2026-cı il iyunun 30-na qədərdir. Tərəflərin daha bir illik müqavilə imzalayacağı gözlənilir.

Qeyd edək ki, Romao 2022-ci il iyulun 17-də Portuqaliyanın "Santa-Klara" klubundan "Qarabağ"a keçib. O, daha əvvəl "Ponte Preta", "Santa Kruz" klublarında çıxış edib.