“Komandamız önəmli qələbə qazandı”.

Apasport.az saytının məlumatına görə, bunu “Zirə”nin baş məşqçisi Rəşad Sadıqov Azərbaycan kubokunun 1/8 final mərhələsində “Mingəçevir”i 2:0 hesabı ilə məğlub etdikləri oyun barədə danışarkən deyib.

40 yaşlı mütəxəssis qarşılaşmanın ardından oyunçuları barədə müsbət fikirlər səsləndirib: “Çox vacib qələbə idi. Nəzərə alaq ki, 1/8 final mərhələsi bir oyundan ibarətdir. Bu amil üzərimizdəki təzyiqi daha çox artırırdı. Futbolçularıma təşəkkür edirəm. Bugünkü şəraiti nəzərə alaraq, çox intizamlı, peşəkar şəkildə oynadılar”.

Qeyd edək ki, “Zirə” ölkə kubokunun 1/4 final mərhələsində “Neftçi” ilə qarşılaşacaq. Bu mərhələnin ilk görüşləri dekabrın 8-9-da, cavab matçları 19-20-də keçiriləcək.
 

• I Liqada üç turun oyun cədvəli bəlli olub
• “Real”ın yeni hədəfi – Van Daykı pulsuz transfer etmək istəyir
• "Neftçi" - "Sabah" matçının biletləri satışa çıxarılır
• "Zirə"nin aşağı yaş qruplarının üzvləri üçün maarifləndirici sessiya təşkil olunub
• “Bir anda 32 il əvvələ qayıtdım” – Bəxtiyar Musayevdən “Fənərbaxça” xatirələri