Misli Premyer Liqasının XV turunun "Zirə" - "Sumqayıt" matçından (4:1) sonra meydan sahiblərinin baş məşqçisi Rəşad Sadıqovun mətbuat konfransı keçirilib.

“Çox maraqlı oyunun şahidi olduq. Hər iki komanda baxımlı futbol oynamağa çalışırdı. Hər ikimizdə də yaxşı alınırdı. Qol epizodlarımız var idi. İstifadə edə bilmədik, rəqib kornerdən fərqləndi. Meydanda bərabər şəraitdə mübarizə gedirdi. Əks-hücumlarımız kəsərli idi. “Sumqayıt” yaxşı pressinq edirdi. Biz də pressinq tətbiq edərək, hücumlar qurmağa çalışırdıq. Pis deyildi. İkinci hissədə rəqibdən üstün oynadıq və qol epizodlarından istifadə edərək qalib gəldik. Vaqifi təbrik edirəm. Bu yükün altına girdikdə narahatçılığım var idi. Amma oyunlar göstərir ki, bu yükü daşımağa qadirdir. Rəqibi analiz edəndə maraqlı detallar gördük. Vaqifə uğurlar arzulayıram. Futbolçularımı da təbrik edirəm. Üç gündən sonra kubok matçına çıxacağıq. Tez o oyuna keçid etməliyik".

- Vaqif Cavadov dedi ki, rəqib güclü olsa da, qolları biz hədiyyə etdik...
- Yaxşı pressinq tətbiq edib, hücuma keçidlərdən qollar vurduq. O elementlər də müasir futbolda çox önəmlidir. Qolların 60-70 faizi o elementlərdən sonra olur. Mövqe hücumları ilə qol vurmaq çətindir. Təhlil etdikdən sonra bəlkə fikrim dəyişəcək. Bizim üçün yaxşı oyun oldu.

- Orxan Məmmədov matçdan sonra paltardəyişmə otağında oldu. Nə danışdı sizinlə?
- Bizim üçün sevindiricidir ki, klubumuzun fəxri prezidenti komandanı təbrik etdi. Müəyyən mövzuları mətbuatda danışmaq doğru olmaz. Yaxından təbrik etməyi, dəyər verməyi bizim üçün önəmlidir. Çətin günlərdə Orxan Məmmədov özünü önə verir. Ona təşəkkür edirəm.

- Utziqin durumu nə yerdədir?
- Görünən odur ki, zədəsi ciddidir. Dünən Qismət Alıyevi itirdik. 5-6 həftə olmayacaq. Bu günləri Utziqin zədələnməsi bizi məyus edir. Görünən odur ki, qış fasiləsindən sonra oynaya biləcək. Sabah MRT olacaq. Daha dəqiq biləcəyik. 

- Volkovun bugünkü performansı haqda nə deyərdiz?
- Məşqlərdə eyni istək, eyni konsentrasiya ilə oynayır. Meydanda əzmkarlıq edir. Söhbət tək Volkvodan getmir. Elə olanda oyunda çox şey alınır. Uğurun sirrini onda görmüşəm. Nə qədər əzmkar çalışacaqsan, nəticədə sevinən tərəf olacaqsan.

• "Turan Tovuz"un zədəli müdafiəçisi: "Azarkeşlər mənə çox böyük güc verdi"
• Tallison: "Samir Abasov "Neftçi"də hər şeyi dəyişəcək"
• KL: Millimizin üzvü oynadı, komandası 1 xal qazandı
• “Dinamo”nun baş məşqçisi: “Neftçi”ni xüsusi diqqətdə saxlayıram”
• "Neftçi" və "Qarabağ" millimizin forvardı üçün yarışacaq