Renat Dadaşov Azərbaycan millisində qol hesabını açıb.

Apasport.az saytının məlumatına görə, hücumçumuz Millətlər Liqasının V turunun Slovakiya ilə səfər oyununda fərqlənib.

Trnavadakı görüşdə hesabı açan forvard özünün yığmadakı 17-ci matçında ilk qolunu vurub. Dadaşov yığma tarixinə qol sevinci yaşayan 65-ci oyunçu kimi düşüb. Bu görüşə qədər 64 futbolçumuz rəqib qapısına yol tapıb.

Qeyd edək ki, Slovakiya – Azərbaycan oyununun birinci hissəsindən sonra millimiz 1:0 hesabı ilə öndədir.