Baş məşqçi postuna Ayxan Abbasovu gətirən “Turan Tovuz” transfer çalışmalarını sürətləndirib.

Apasport.az saytının məlumatına görə, Tovuz təmsilçisi tezliklə yeni oyunçularını açıqlayacaq.

Premyer Liqanın debütantı ötən mövsümü “Şamaxı”da keçirən 4 futbolçu – qapıçı Kamal Bayramov, müdafiəçilər Şəhriyar Əliyev, Tərlan Quliyev və hücumçu Amil Yunanovla tezliklə münasibətləri rəsmiləşdirəcək.

Onlarla yanaşı, “Sumqayıt”dan alınan qapıçı Tərlan Əhmədli, müdafiəçi Eltun Turabov, həmçinin ötən mövsümü icarə əsasında “Şamaxı”da keçirən “Neftçi”nin yarımmüdafiəçisi Turan Vəlizadə də tovuzlularla anlaşıb.