Bakıda təşkil edilən “Formula-1” üzrə Azərbaycan Qran-prisində ilk sərbəst yürüşlər keçirilib. Apasport.az saytının məlumatına görə, yürüşdə 10 komandanın 20 pilotu iştirak edib.

Ən yaxşı göstəricini “Red Bull”un pilotu Maks Ferstappen əldə edib. 20 yaşlı idmançı 1:44.410 dəqiqəlik göstərici nümayiş etdirib. Onu 1:44.880 dəqiqəlik nəticə ilə komanda yoldaşı Daniel Rikardo izləyib. Siyahının üçüncü pilləsində isə 1:44.967 dəqiqə ilə "Ferrari"nin pilotu Sebastyan Fettel qərarlaşıb. "Force İndia"nın pilotu Serxio Peres 4-cü (1:45.398), "Mercedes"in pilotu Luis Hamilon isə 1:45.497 dəqiqəlik göstərici ilə 5-ci olub.

Qeyd edək ki, növbəti sərbəst yürüşə saat 17:00-da start veriləcək.

• Sona Ağayeva dünya reytinq cədvəlinin 8-ci pilləsinə yüksəlib
• Süleyman Ələkbərov Almatıda “ən yaxşı gənc velosipedçi” seçilib
• Azərbaycan Avropada ilk ölkələr sırasında - FOTO
• "Formula 1" Azərbaycan Qran-prisi: Marşal olmaq üçün 35 mindən çox müraciət
• Keişa Fatimə Zəhra beynəlxalq turnirdə qızıl medal qazanıb