DÇ-2018-in seçmə mərhələsində Azərbaycan və San-Marino ilə qarşılaşacaq Çexiya yığmasında dəyişiklik edilib. Apasport.az saytının yerli mətbuata istinadən məlumatına görə, baş məşqçi Karel Yarolim 2 oyunçunu komandadan uzaqlaşdırıb.

Belə ki, müdafiəçi Teodor Gebre-Selassie və hücumçu Milan Şkoda millimizlə qarşılaşmanı buraxmalı olacaqlar. Şkoda zədədən əziyyət çəkirsə, Gebre-Selassie ailə vəziyyəti ilə əlaqədar baş məşqçidən icazə istəyib.

Yarolim boş qalan yerləri artıq doldurub. O, “Slaviya”nın yarımmüdafiəçisi Yan Şikora ilə “Sparta”nın hücumçusu Vaçlav Kadleçi Azərbaycan və San-Marino ilə matçlara dəvət edib.

Qeyd edək ki, oktyabrın 5-də yığmamızın qonağı olacaq Çexiya bundan 3 gün sonra San-Marinonu qəbul edəcək.

• Azərbaycan Qran-prisi rekordlarla yadda qalıb - FOTO
• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib