Yanvarın 20-21-də İsveçrənin Lozanna şəhərində Avropa Olimpiya Komitəsi (AOK) İcraiyyə Komitəsinin (İK) iclası keçiriləcək. Milli Olimpiya Komitəsindən (MOK) apasport.az saytına verilən məlumata görə, yığıncaqda Azərbaycan MOK-un vitse-prezidenti Çingiz Hüseynzadə ilə təmsil olunacaq.

Toplantıda komitənin baş katibi və xəzinədarı adı çəkilən təşkilatın hesabatı ilə çıxış edəcəklər. Tədbir çərçivəsində Bakı-2015 Avropa Oyunları və Gürcüstanda keçirilmiş Yeniyetmələr arasında Avropa Olimpiya Festivalı həmçinin, növbəti analoji yarış da müzakirə olunacaq.

Qeyd edək ki, İspaniyanın Tarraqona şəhərində keçiriləcək AOK-un XXXVII seminarı gündəlikdə olan məsələlər sırasındadı. 

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb