Yunan-Roma güləşi üzrə yığma komandamız Bakı-2015 I Avropa Oyunlarında bu gün daha bir qızıl medal qazanıb. Apasport.az saytının məlumatına görə, 75 kq çəki dərəcəsində bütün rəqiblərini məğlub edən Elvin Mürsəliyevi Azərbaycan prezidenti İlham Əliyev mükafatlandırıb.

Heydər Əliyev adına İdman Arenasında Mürsəliyevin final görüşünü canlı izləyən ölkə başçısı daha sonra qızıl medalı fəxri kürsünün ən yüksək pilləsinə qalxan güləşçimizin boynuna salıb.

Ardından himn sədaları altında dövlət bayrağımız dalğalanıb.

Qeyd edək ki, güləş yığmamız dünən də bir qızıl medal əldə etmişdi. 71 kq çəki dərəcəsində Rəsul Çunayev rəqiblərinə göz açmaq imkanı verməmişdi.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar