“Avropa Oyunlarının mükafatını qazandığım üçün çox xoşbəxtəm. Hər şeyə görə Allaha, valideynlərimə və müəllimimə borcluyam”. Bu sözləri apasport.az saytına açıqlamasında Azərbaycan yığmasının karateçisi İlahə Qasımova deyib.

Bakı-2015 I Avropa Oyunlarının karate yarışlarının bürünc mükafatını qazanan idmançımız uğurunu şərh edib: “Çox xoşbəxtəm ki, bürünc medala sahib olmuşam, bu, mənim üçün elə çempionluqdu. İlk növbədə Allaha şükür edirəm ki, öz vətənimizdə, heç olmasa medalımız var, medalsız qalmadım. Bunun üçün öz müəllimlərimə minnətdaram. Çoxdan idi ki, bu nailiyyəti gözləyirdim. Bir ildən çox idi ki, ağır məşqlərimiz olurdu. İnanırdım ki, nəticə olacaq və medal götürəcəyəm. Tamaşaçıların dəstəyi bizə daha da stimul verdi. Bütün Azərbaycan xalqından idmançılarımıza dəstək olmağı xahiş edirəm. Həm şəxsi, həm də yığmadakı müəllimlərimə borcluyam. Ən çox isə mənə dəstək olan valideynlərimə minnətdaram”.

Qeyd edək ki, Qasımova 55 kq çəki dərəcəsində Avropa Oyunlarının bürünc mükafatçısı olmaqla, Azərbaycana ilk medalı qazandırıb.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar