Bakı-2015 I Avropa Oyunlarında karate yığmamız günü iki qızıl, iki bürünc medalla başa vurub. Apasport.az saytının məlumatına görə, 75 kq çəki dərəcəsinin medalçılarını Azərbaycanın birinci xanımı Mehriban Əliyeva mükafatlandırıb.

Bakı Kristal Zalda bu çəki dərəcəsinin final oyununu izləyən I Avropa Oyunlarının Təşkilat Komitəsinin sədri mükafatlandırma mərasimində iştirak edib və fəxri kürsünün qalibi olan Rafael Ağayevin boynuna qızıl medalı salıb.

Son olaraq himn sədaları altında bayrağımız dalğalanıb.

Qeyd edək ki, Bakı-2015-də ilk qızıl medalımızı qazanan digər karateçimiz Firdovsi Fərzəliyevə (60 kq) mükafatını Azərbaycan Prezidenti İlham Əliyev təqdim edib.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar