Bu gün Bolqarıstan Albena şəhərində yeniyetmə boksçular arasında Avropa birinciliyi start götürəcək. Boks Federasiyasından apasport.az saytına verilən məlumata görə, 8 gün davam edəcək yarışda Azərbaycan millisi tam heyətlə mübarizə aparacaq.

Ölkəmizi baş məşqçi Vaqif Kazımov və məşqçi Oqtay İbrahimovun rəhbərliyi altında Maqsud Xasmetov (46 kq), Rüfət Fətullayev (48 kq), Cəlal Qurbanov (50 kq), Əzrək Bəbirov (52 kq), Əlzamin Səlimov (54 kq), Elşən Cəbizadə (57 kq), Fərid İsmayıllı (60 kq), Səlim Səlimov (63 kq), Rüfət Nəbiyev (66 kq), Cahid Qurbanov (70 kq), Murad Allahverdiyev (75 kq), Adil Vəliyev (80 kq) və Vüqar Səmədov (+80 kq) təmsil edəcəklər.

Qeyd edək ki, birinciliyə 32 ölkədən 260 boksçu qatılacaq. 

• Azərbaycan Qran-prisi rekordlarla yadda qalıb - FOTO
• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib