Gənclər və idman naziri Azad Rəhimov sabah keçiriləcək “3-cü İdman İctimaiyyəti Mükafatı”nın (Sport İndustry Awards) təqdimat mərasimində iştirak etmək üçün Dubaya gedib. Gənclər və İdman Nazirliyinin mətbuat xidmətindən APA-ya verilən məlumata görə, 3-cü dəfə keçirilən ali idman tədbiri mükafatı 14 kateqoriya üzrə son 1 ildə idmanın inkişafında xüsusi xidmətləri olan ölkələrə  təqdim olunur.

Tədbirdə A. Rəhimovun Azərbaycan idmanında görülən işlərlə bağlı çıxışı nəzərdə tutulub. Nazir ölkəmizdə keçirilmiş I Avropa Oyunları, “Formula-1” Avropa Qrand Prisi, Şahmat Olimpiadasının, 2017-ci ildə keçiriləcək İslam Həmrəyliyi Oyunları, 2020-ci ildə isə UEFA Futbol üzrə Avropa çempionatının 3 qrup və 1 yarımfinal oyunlarının Bakıda keçiriləcəyi haqda tədbir iştirakçılarına məlumat verəcək.

Qeyd edək ki, “3-cü İdman İctimaiyyəti Mükafatı” uğrunda mübarizədə bu il Bəhreyn, Küveyt, Oman, Səudiyyə Ərəbistanı, İordaniya, Livan və Birləşmiş Ərəb Əmirliklərindən 196 müraciət olub.

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb