Azərbaycanlı qrossmeyster Şəhriyar Məmmədyarov Dubayda bu gün start götürən şahmatın rapid və blits növləri üzə dünya çempionatı ilə bağlı fikirləri açıqlayıb. Apasport.az saytının məlumatına görə, mundialın son qalibi (rapid) ənənəsinə sadiq qalaraq, yenə ehtiyatlı danışıb.

O bildirib ki, dünya çempionu titulunu qorumaq çətin olsa da, bunun üçün çalışacaq: “Şəmkirdə Vüqar Həşimovun xatirəsinə keçirilən beynəlxalq turnirdən sonra konkret əhval-ruhiyyəm və formam barədə heç nə deyə bilmərəm. Ancaq onu bildirim ki, öz titulumu qorumaq çətin olacaq. Bütün bunlara baxmayaraq, məhz bunun üçün oynayacam”.

Qeyd edək ki, bu gün start götürən dünya çempionatı iyunun 21-də başa çatacaq.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB