“Formula-1” yarışlarının keçmiş həkimi Qeri Xarşteyn yeddi dəfə dünya çempionu Mixael Şumaxerin səhhəti ilə bağlı danışıb. Apasport.az saytının məlumatına görə, o, pilotun tam sağalacağına inanmadığını bildirib.

Qeyd edək ki, bundan əvvəl Mixaelin həyat yoldaşı Korinna ərinin vəziyyətinin getdikcə yaxşılığa doğru dəyişdiyini bəyan edib. Amma Xarşteyin buna inanmadığını söyləyib: “Əfsuslar olsun ki, Şumaxerin vəziyyətinin hamının ümid etdiyi qədər yaxşı olacağı az inandırıcıdır. İstisna etmirəm ki, Korinna onunla bu və ya digər formada əlaqə qurub. Amma bundan sonrası sadəcə möcüzə olardı”.

Xatırladaq ki, Mixael Şumaxer 2013-cü ilin dekabrında xizək sürən zaman ağır kəllə-beyin zədəsi alıb. Təxminən 6 ay komada qalan idmançı iyunun 16-da komadan çıxıb.

• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər
• Rüfət Efendiyev Avropa Şurasının antidopinq iclasında iştirak edib
• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər