“Qermanştadt” yay təlim-məşq toplanışı zamanı “Zirə” ilə yoxlama görüşü keçirəcək.

Apasport.az xəbər verir ki, bu barədə Rumıniya klubu məlumat yayıb.

Bildirilib ki, Türkiyədə yay hazırlığına başlayan komanda Boluda 4 yoxlama görüşündə qüvvəsini sınayacaq. Rumınların 2-ci rəqibi məhz Bakı təmsilçisi olacaq. Lakin matçın keçiriləcəyi gün və başlayacağı saat hələ bəlli deyil.

Azərbaycanı Konfrans Liqasında təmsil edəcək “Zirə” iyunun 24-də təlim-məşq toplanışının ikinci mərhələsi üçün Türkiyəyə yollanacaq. Baş məşqçi Rəşad Sadıqov qardaş ölkədə iki yoxlama görüşünün keçirilməsini nəzərdə tutub.

Qeyd edək ki, “Zirə” Konfrans Liqasının II təsnifat mərhələsində Təl-Əviv “Makkabi”si ilə üz-üzə gələcək. İsrail təmsilçisi ilə matçlar iyulun 21-də və 28-də olacaq.

• "Neftçi"nin futbolçuları üçün seminar keçirilib
• Mehman Hacıyevin xatirəsi bir dəqiqəlik sükutla yad olunacaq
• Rəhim Həsənov mübahisəli epizodları dəyərləndirdi – Hakimlərin qərarlarını doğru saydı - VİDEO
• Kərimovdan "Sabah" etirafı: "SƏVİYYƏ BAXIMINDAN ÇOX AŞAĞIDAYIQ"
• “Qarabağ” Koxalski ilə yollarını ayırdı - RƏSMİ