Azərbaycanın qadınlardan ibarət 3x3 basketbol yığması Polşanın paytaxtı Varşavada təşkil olunan Dünya Kubokunun yarımfinal mərhələsində məğlub olub.

Apasport.az xəbər verir ki, komandamız ABŞ seçməsi ilə üz-üzə gəlib.

Qarşılaşma rəqibin minimal qələbəsi ilə bitib - 19:18.

Qızlarımız 3-cü yer uğrunda görüşdə Niderland yığması ilə qarşılaşıb. Brianna Freyserin iştirak etmədiyi görüşdə millimiz oyunu 3 basketbolçu ilə davam etdirmək məcburiyyətində qalıb və yekunda rəqibinə 14:21 hesabı ilə məğlub olaraq, ilk dəfə iştirak etdiyi Dünya Çempionatını 4-cü pillədə yekunlaşdırıb.

Qeyd edək ki, Dünya Kubokunda mübarizəyə A qrupunda başlayan Azərbaycan millisi Madaqaskar (21:13), Çexiya (14:11) və Polşanı (20:13) məğlub edib, Niderlanda isə uduzub - 13:19. Komanda pley-in mərhələsində Litvaya (14:12), 1/4 finalda Almaniyaya (18:16) qalib gəlib.

• FIBA-nın milli təlimçisi Ələkbər Həsənov Bolqarıstanda seminarda iştirak edib
• Millimiz bu gün iki matç keçirəcək
• Azərbaycan millisi Kutaisidə keçirilən beynəlxalq turnirdə 4-cü olub
• 12 yaşadək basketbolçulardan ibarət millimiz Kutaisidə beynəlxalq turnirə iki qələbə ilə başlayıb
• Millilərimiz Avropa çempionatına Belarusda hazırlaşacaq