"Təbii ki, Avropa Liqası oyunlarının hər biri ağırdır. Amma hesab edirəm ki, bu günkü matç “Tottenhem” və “Ayaks”la görüşlər qədər çətin olmayacaq".

Bu sözləri apasport.az saytına açıqlamasında Aslan Kərimov deyib.

"Qarabağ"ın sabiq futbolçusu komandanın "Bodo-Qlimt"lə matçını dəyərləndirib: "Ayaks"la oyunda 1 nəfər azlıqda qaldıq və çətinlik çəkdik. “Bodo-Qlimt”lə qarşılaşma isə təxminən “Malmö” ilə evdəki oyun kimi keçə bilər. Düşünürəm ki, onların müdafiə xəttində səhvlərə yol verə biləcək kifayət qədər oyunçuları var. Juninyonun sürətini nəzərə alsaq, mənə elə gəlir ki, biz onların müdafiə xəttindən qaçmağı bacararıq. Fikrimcə, “Bodo-Qlimt” ev görüşlərində pressinqdə olan, daha çox öndə fəal iştirak edən bir klubdur. Həmçinin öz meydanlarında çıxış etmələri rəqibi məcbur edəcək ki, onlar ön tərəfdə aktiv olsunlar. Belə olacağı təqdirdə bizim üçün əlverişli qol imkanlarının yaranacağına əminəm. Düşünürəm ki, bu fürsətlərdən istifadə etmək məcburiyyətindəyik. İndiyə qədər məğlub olduğumuz matçlara nəzər salsaq, görərik ki, bir çox qol epizodu yaradıb, bunlardan yararlana bilməmişik. “Qarabağ”ın əsas problemi yaradılan fürsətlərdən istifadə edə bilməməsidir. Bunun nəticəsində qol buraxdığımız an yenidən rəqib qapısına yol tapmağımız çətinləşir. Amma ümid edirəm ki, "Bodo Qlimt"lə matçda bu “qara zolağı” aşa biləcəklər. Baxmayaraq ki, iki əsas oyunçumuz meydanda olmayacaq. Lakin inanıram ki, digər futbolçular onların yerini layiqincə dolduracaqlar. Bundan əvvəlki oyunlarda, məsələn "Ludoqorets"lə matçda da bir neçə əsas heyət üzvümüz meydanda yox idi. Onların yerinə matçda iştirak edən futbolçular zədəlilərdən daha yaxşı təsir bağışlamışdılar. Ümid edək ki, bu görüşdə də belə bir hal ilə qarşılaşacağıq. Norveçdən 3 xalla qayıdacağımıza inanıram. Bu səfərdən qələbə ilə qayıdıb, ən azından play-off mərhələsinə yüksəlmək üçün şanslarımızı qoruyub saxlayacağıq".

Qeyd edək ki, Avropa Liqasının Liqa mərhələsinin IV turunun "Bodo-Qlimt" - "Qarabağ" matçı bu gün saat 21:45-də start götürəcək.

İsmayıl Xeyrullayev

• Konfrans Liqası: “Başakşehir” Danimarka klubu ilə üz-üzə - YENİLƏNİR
• ÇL: Həftənin oyunçusu adına namizədlər bilindi
• Çempionlar Liqası: "Atletiko"dan qələbə, "Aston Villa"nın seriyası qırıldı - YENİLƏNİB
• Bədavi Hüseynov: "Bəzən gözlənilməz hadisələr də baş verir"
• Qurban Qurbanov: “Rəqibin üstün cəhətləri çoxdur”