“Real”ın belçikalı qapıçısı Tibo Kurtua 2024-cü ildə keçiriləcək Avropa çempionatına getməyəcəyini klubuna bildirib.

Apasport.az “Marca”-ya istinadən xəbər verir ki, belçikalı qolkiper avqustda aldığı ağır diz zədəsindən sonra hazırda reabilitasiya ilə məşğuldur. O, 2024-cü ilin mayına qədər oynaya bilməyəcək.

Qeyd edək ki, Belçika millisi AÇ-2024-də E qrupunda Slovakiya, Rumıniya və Millətlər Liqasının pley-off mərhələsinin B yolunun qalibi ilə qarşılaşacaq.