UEFA Çempionlar Liqasının pley-off mərhələsi çərçivəsində keçiriləcək “Qarabağ” - “Ferentsvaroş” (Macarıstan) oyununun biletləri sabah saat 14:30-dan etibarən satışa çıxarılacaq.

Apasport.az xəbər verir ki, bu barədə Ağdam klubu rəsmi açıqlama yayıb.

Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 30, 40, 50, 100 və 150 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlərin üçün biletlərin qiyməti isə 300 manatdır.

Biletləri "iTicket.az"-ın satış məntəqələri (iTicket.az-da onlayn satış); "Park Bulvar"dakı “Qarabağ” FK-nın Fan-Şopu və Tofiq Bəhramov adına Respublika stadionunun kassalarından əldə etmək mümkündür.

Qeyd edək ki, komandalar arasında Budapeştdə keçirilən ilk oyunda "Qarabağ" 3:1 hesabı ilə qalib gəlib.

• AL: Zamiq Əliyevin komandası məğlub oldu - YENİLƏNİB
• ÇL: “Fənərbaxça”nın potensial rəqibləri qarşılaşıblar - YENİLƏNİB
• Dambrauskas qələbəyə köklənib - “Öz gücümüzdən istifadə edəcəyik”
• Yakob Poulsen “Sabah”ı təriflədi - “Bizi güclü rəqib gözləyir”
• Konfrans Liqası: "Başakşəhər"dən heç-heçə - YENİLƏNİB