İtaliya Kubokunda bütün yarımfinalçılar müəyyənləşib.

Apasport.az xəbər verir ki, son 1/4 final matçında "Yuventus" Turində "Latsyo" ilə qarşılaşıb.

44-cü dəqiqədə braziliyalı müdafiəçi Bremerin vurduğu yeganə qol "Yuventus"un yarımfinala adlaması üçün kifayət edib. Beləliklə, A Seriyasında işləri qaydasında getməyən Turin klubu avrokuboklara çıxmaq üçün daha rahat yol olan İtaliya Kubokunun yarımfinalında "İnter"lə qarşılaşacaq. İlk matç 4/5 apreldə Milanda, cavab oyunu 25/26 apreldə Turin və ya Romada olacaq.

Qeyd edək ki, digər yarımfinal qarşılaşmasında "Kremoneze" və "Fyorentina" üz-üzə gələcək.

• İspaniyada skandal: ÇL himni əvəzinə Avropa Liqasının musiqisi səsləndirilib
• ÇL: "Real" "Siti"yə, "Napoli” “Benfika”ya məğlub oldu - YENİLƏNİB
• Qurban Qurbanov: "Bu, Azərbaycan futbolunun real vəziyyətidir"
• Mateuş Koxalski: “Çox əsəbiyəm”
• “Ayaks”ın baş məşqçisi: “Bugünkü qələbədən sonra özgüvənimiz artacaq”