Cüdoçularımızdan Xorvatiyada 3 medal

13.09.2024 - 20:59

Xorvatiyanın paytaxtı Zaqrebdə keçirilən cüdo üzrə Qran-pri turniri davam edir.

Apasport.az xəbər verir ki, təmsilçilərimiz ilk gündə 3 medal qazanıblar.

60 kq çəki dərəcəsində Əhməd Yusifov finala qədər uğurla irəliləyib. Yalnız həlledici görüşdə məğlub olan idmançımız gümüş medalla kifayətlənib.

Eyni çəkidə digər təmsilçimiz Turan Bayramov bürünc medal qazanıb.

66 kq çəkidə mübarizə aparan Ruslan Paşayev isə fəxri kürsünün üçüncü pilləsinə yüksəlib.

Qeyd edək ki, Qran-pri turnirinə sentyabrın 15-də yekun vurulacaq.

0 0