Bakıda keçirilən cüdo üzrə dünya çempionatında Azərbaycan təmsilçisi Süleyman Şükürov mübarizəyə qələbə ilə başlayıb.

Apasport.az xəbər verir ki, 90 kq çəki dərəcəsində çıxış edən cüdoçumuz 1/32 finalda Norveç təmsilçisi Kornelius Eylertsenlə qarşılaşıb.

Rəqibini məğlub edən Şükürov 1/16 finala vəsiqə qazanıb.

O, növbəti mərhələdə yaponiyalı Qoki Tayima ilə üz-üzə gələcək.

Qeyd edək ki, Azərbaycan cüdoçuları dünya çempionatında indiyədək 4 medal qazanıblar.

Əhməd Yusifov (60 kq) qızıl, Zelim Tçkayev (81 kq) gümüş, Rəşid Məmmədəliyev (73 kq) və Ömər Rəcəbli (81 kq) isə bürünc medala sahib çıxıblar.

Milli Gimnastika Arenasında keçirilən mundial oktyabrın 11-də başa çatacaq.

• Dünya çempionatı: Ömər Rəcəbli bürünc medal qazandı - YENİLƏNİB
• Cüdoçumuz dünya çempionatında mübarizəni dayandırıb
• DÇ: Vüsal Qələndərzadə mundialla vidalaşdı - YENİLƏNİB
• Dünya çempionatı: Daha 4 cüdoçumuz tatamiyə çıxacaq
• Rəşid Məmmədəliyevdən dünya çempionatında bürünc medal - YENİLƏNİB