Türkiyənin İstanbul şəhərində badminton üzrə beynəlxalq turnir keçirilir.

Apasport.az xəbər verir ki, təmsilçimiz Keişa Fatimə Zəhra da yarışda iştirak edib.

O, "International Challenge 2024" seriyalı yarışı qızıl medalla başa vurub. Mübarizəyə 1/16 finaldan başlayan Keişa qadın badmintonçuların şəxsi yarışında finala gedən yolda Danimarka, Ukrayna və Fransa təmsilçilərini mübarizədən kənarlaşdırıb.

Keişa Fatimə Zəhra final qarşılaşmasında danimarkalı Amalie Şulza ilə qarşılaşıb. Hər iki setdə böyük fərqlə qalib gələn təmsilçimiz "International Challenge 2024" beynəlxalq turnirinin qalibi olub - 21:11,21:9.

• İdmançımızdan Madriddə uğurlu nəticə və yeni rekord
• Davin Cəfərov Portuqaliyada keçirilən turnirdə ikinci olub
• Azərbaycan Qran-Prisinin Uniforma və Akkreditasiya Mərkəzi fəaliyyətə başlayıb
• Paytaxt küçələri pik saatlarda açıq olacaq
• Gəncədə III MDB Oyunlarına test xarakteri daşıyan güllə atıcılığı üzrə çempionat keçirilir