Qılıncoynadanlarımız Bolqarıstanın Sofiya şəhərində keçirilən beynəlxalq turnirdə gümüş medal qazanıblar.

Apasport.az xəbər verir ki, Murad Əkbərov, Maqsud Hüseynli, Rəsul Əliyev və Timur Husnaddinovdan ibarət komandamız Bolqarıstanın paytaxtı Sofiya şəhərində keçirilən 23 yaşadək sablyaçıların komanda yarışında ikinci yer tutub.

İlk görüşündə İspaniya yığmasını 45:42 hesabı ilə məğlub edən sablyaçılarımız, ardınca Böyük Britaniya kollektivinə 45:37 hesabı ilə qalib gəlib.

Sablya üzrə kişilərdən ibarət 23 yaşadək millimiz finalda Bolqarıstan yığmasına 35:45 hesabı ilə uduzaraq “EFC FFE Circuit” turnirinin gümüş medallarına layiq görülüb.

• Azərbaycan üzgüçüləri Avropa çempionatında şəxsi rekordlarını yeniləyib
• Azərbaycan qolfçuları Parisdən 2 medalla qayıdıblar
• Rusiya Olimpiya Komitəsinin hüquqları bərpa olundu - Rəsmi açıqlama
• Rusiya ilə bağlı qərar - BOK məhdudiyyətləri ləğv etdi
• Azərbaycan idmançıları Gürcüstanda keçirilən beynəlxalq turnirdə medal qazanıblar