Ümumdünya Antidopinq Agentliyi (WADA) mövcud vəziyyətlə əlaqədar Rusiya Antidopinq Agentliyinin (RUSADA) fəaliyyətinin auditini təxirə salıb.

Apasport.az saytının məlumatına görə, Rusiya ilə Ukrayna arasında yaşanan hərbi gərginlik qurum rəsmilərinin səfərinə mane olub.

Rusiyanın idman naziri Oleq Matıtsin WADA-nın audit qrupunun martın sonunda Rusiyaya yollanacağını açıqlamışdı. Lakin məlum hadisələrə görə, bu səfər baş tutmayacaq. WADA-nın mətbuat xidməti hazırda qarşılaşa biləcəyi hər hansı problemlərin həllinə kömək etmək məqsədilə RUSADA ilə əlaqə saxlamaqda davam edildiyini vurğulayıb.

Qeyd edək ki, RUSADA-nın fəaliyyətinin auditi agentliyin Ümumdünya Antidopinq Məcəlləsinə uyğunluq statusuna qaytarılması istiqamətində atılan addımlardan biridir.

• İtaliya Qran-prisi rekordlarla yadda qaldı, Azərbaycan Qran-prisi yaxınlaşır
• İdmançılarımız Türkdilli Dövlətlərin III Universiadasını 9 medalla başa vurublar - FOTO
• Piastri liderliyi qoruyur, Norris podiumdan kənarda
• Avropa Gənclər Paralimpiya Oyunlarının açılış mərasimi keçirilib - FOTO
• Avropa Gənclər Paralimpiya Oyunlarında Azərbaycan bayrağını daşıyacaq idmançılar bəlli olub