Paris Olimpiadasında bürünc medal qazanmış sərbəst güləş üzrə milli komandanın üzvü Maqomedxan Maqomedov bir neçə gün öncə Rusiya mətbuatına verdiyi müsahibədə fikirlərinin yanlış anlaşıldığını bildirib.

Apasport.az xəbər verir ki, güləşçimiz bununla bağlı açıqlama verib:

“Mən 2022-ci ildən Azərbaycanı təmsil edirəm. Mənə bu şəraiti yaratdığı üçün Azərbaycan Respublikasının prezidentinə, o cümlədən Azərbaycan Güləş Federasiyasının rəhbərliyinə və mənə bu imkanı yaradan hər kəsə təşəkkürümü bildirirəm. Azərbaycanı sevirəm və bu ölkəni təmsil etdiyim üçün fəxr edirəm. Məhz Azərbaycan bayrağı altında Avropa çempionu, dünya və olimpiya mükafatçısı olmuşam. Rusiya mətbuatına verdiyi müsahibədə səsləndirdiyim fikirlər yanlış anlaşılmanın nəticəsidir. Azərbaycan Respublikası Prezidentinin mənə verdiyi orden mənim üçün çox dəyərlidir və heç bir hörmətsizlikdən söhbət gedə bilməz. Baş verənlərlə əlaqədar mən Azərbaycan Respublikasının Prezidentindən və bütün Azərbaycan xalqından üzr istəmək istəyirəm".

• Güləşçilərimiz Avropa çempionatında iştirak edəcəklər
• Yığma komandamız ABŞ millisi ilə təlim-məşq toplanışı keçəcək
• Millimizin baş məşqçisi: “Güləşimiz ilbəil inkişaf edir”
• Güləş Federasiyasının sabiq vitse-prezidenti vəfat edib
• Millimizin baş məşqçisi: “Hazırda güləşlə məşğul olan qızların sayı çoxdur”