Azərbaycanın 20 yaşadək iki güləşçisi İranın Behşehr şəhərində keçirilən “Necad Haşimi kuboku” turnirində medal qazanıb. 

Apasport.az xəbər verir ki, ilk yarış günündə sərbəst güləş üzrə 57, 65, 74, 86 və 97 kq-da qaliblər müəyyənləşib.

7 ölkə idmançılarının mübarizə apardığı ənənəvi turnirin ilk günündə Azərbaycanın U-20 millisinin 2 üzvü fəxri kürsüyə qalxıb. Omar Gülməmmədov (74 kq) gümüş, Sədrəddin Həsənov (57 kq) isə bürünc medala sahib çıxıb.

Vasif Bağırov, Hüseyn Hüseynov (hər ikisi 57 kq) və Məhəmməd Abbaszadə (86 kq) beşinci yerlə kifayətlənib.

Qeyd edək ki, bu gün 61, 70, 79, 92 və 125 kq-da medalçılar məlum olacaq.

• Güləş üzrə ölkə çempionatında ikinci günün finalçıları müəyyənləşib
• Güləş üzrə Azərbaycan çempionatına start verilib
• Millinin baş məşqçisi: “Azərbaycan güləşi üçün hər zaman çalışmağa hazıram”
• Güləş üzrə milli komandanın baş məşqçisi göndərilib - RƏSMİ
• Güləş üzrə Azərbaycan çempionatının başlanma tarixi müəyyənləşib