“Bürünc medal görüşü gözlədiyimdən daha çətin keçdi”.

Apasport.az xəbər verir ki, bu sözləri Slovakiyanın paytaxtı Bratislavada keçirilən Avropa çempionatında bürünc medal qazanan Azərbaycanın sərbəst güləşçisi İslam Bazarqanov (57 kiloqram) federasiyanın mətbuat xidmətinə açıqlamasında deyib.

İdmançı yarışa çempionluq hədəfi ilə yollandığını bildirib: “Çoxlu təlim-məşq toplanışı keçmişdik. Yaxşı formada idim. Əlbəttə, qalib gəlmək istəyirdim. Məşqçilərimizə və bizə hər cür şərait yaradan federasiyamıza təşəkkür edirəm. Yarımfinalda bəlkə də özümə bir qədər inanmadığım üçün məğlub oldum. Öz üzərimdə daha çox işləməliyəm. Bundan sonra bir qədər istirahət edəcəyik. Daha sonra digər turnirlər və dünya çempionatına hazırlıq məqsədilə təlim-məşq toplanışlarına başlayacağıq”.

• Prezident İlham Əliyev: Güləşimizin böyük ənənələri var və biz bu ənənələri yaşadırıq
• Prezident İlham Əliyev Avropa çempionatında komanda hesabında çempion olan güləşçiləri qəbul edib
• AÇ: İki güləşçimiz qızıl medal qazandı - YENİLƏNİB
• İslam Bazarqanov: “Bu, mənim üçün çox prinsipial görüş idi”
• Xetaq Qazyumov ilin məşqçisi seçilib