Bu gün Bakı İdman Sarayında keçirilən U-23 Avropa çempionatında 8 güləşçimiz mübarizə aparacaq.

Apasport.az xəbər verir ki, yarışın beşinci günündə həm də qadınlar arasında bəzi çəkilərdə mükafatçılar bəlli olacaq.

Elman Ağayev (57 kq), Musa Ağayev (65 kq), Kənan Heybətov (70 kq), Əli Tsokayev (79 kq) və Rəvan Musayev (97 kq) sərbəst güləş üzrə mübarizəyə ilkin mərhələdən başlayacaq.

Qadınlardan Elnurə Məmmədova (53 kq) və Jalə Əliyeva (57 kq) final görüşünə çıxacaq. Mərziyyə Sadıqova (72 kq) isə bürünc medal uğrunda mübarizə aparacaq.