Bu gün Albaniyanın paytaxtı Tiranada keçirilən güləş üzrə U-23 dünya çempionatına yekun vurulub.

Apasport.az xəbər verir ki, yarışın son günün sərbəst güləşçilər arasında qaliblər bəlli olub.

70 kq çəki dərəcəsində Maqomed-Başir Xaniyev finalda mübarizə aparıb. Onun rəqibi Maqomed Emi Eltemirov (AİN) olub. Gərgin mübarizə şəraitində keçən görüş güləşçimizin 5:4 hesablı qələbəsi ilə yekunlaşıb. Nəticədə Azərbaycan yığması mundialda ikinci qızıl medala yiyələnib.

Qeyd edək ki, mundialda yunan-Roma güləşçilərimizdən Rəşad Məmmədov (55 kq) gümüş, Nihat Quluzadə (60 kq) ilə Xasay Həsənli (77 kq) bürünc medal qazanıb. Qadın güləşçilərimizdən Jalə Əliyeva (57 kq) isə dünya çempionu olub. Sərbəst güləş yığmamızın heyətində Ruslan Abdullayev (61 kq) və Arseniy Djioyev (86 kq) gümüş, Cəbrayıl Qadjiyev (74 kq) isə bürünc əldə edib.

• Dörd güləşçimiz Dünya Seriyasında çıxış edəcək
• Prezident İlham Əliyev: İdmançılarımızın özlərini layiqincə aparmaları məni çox sevindirir
• Dövlət başçısı: Əminəm ki, gələcəkdə də qızlar qızıl medal qazanacaqlar, mən buna şübhə etmirəm
• Prezident: Avropa yarışlarında Azərbaycan idmançılarına qarşı ədalətsizlik dünya çempionatlarına nisbətən daha çox olur
• Azərbaycan Prezidenti: İdmançılarımızda qələbə əzmi çox güclüdür